Fokus: Die ondersoek van eksegetiese, hermeneutiese, openbaringhistoriese en verwante aspekte van die Ou en Nuwe Testament.
Subprogramleier: Prof Albert Coetsee
e-pos: albert.coetsee@nwu.ac.za
Doelwitte:
Om eksegetiese, hermeneutiese, openbaringshistoriese (teologiese), kanoniese en verwante studies van die Ou en Nuwe Testament te onderneem.
A.) Onlangsvoltooide projekte:
Die skakel na Christian hermeneutics in South Africa - https://doi.org/10.4102/aosis.2022.BK272
Die skakel na Bibliological Theology of Life in the Old Testament - https://doi.org/10.4102/aosis.2021.BK281
Die skakel na Bibliological Theology of Life in the New Testament - https://doi.org/10.4102/aosis.2021.BK282
B.) Huidige projekte:
A Biblical Theology of Prayer (2021-2023)
Baie publikasies oor gebed in die Bybelse teks het al die lig gesien. Verskeie van hierdie publikasies handel oor spesifieke gebede, of gebede in spesifieke Bybelboeke. Daar is talle publikasies met algemene oorsigte en perspektiewe op gebed. Dit blyk egter dat daar baie min diepgaande studies van gebede in al die korpusse van die Bybelse teks gedoen is. Hierdie navorsingsprojek is van plan om hierdie leemte te vul. ’n Bybels-teologiese benadering word gevolg, waardeur ’n verskeidenheid geleerdes versoek word om gebed en aanbidding in spesifieke korpusse van die Ou en die Nuwe Testament te ondersoek. ’n Slothoofstuk volg waarin die Bybels-teologiese perspektiewe geformuleer sal word op grond van die ondersoeke van die verskillende korpusse, om die “geheelbeeld” vanuit die verskeidenheid Bybeltekste te gee deur die Bybelse materiaal holisties te lees.
Die beplande publikasie bestaan uit twee dele, waarvan die een die Ou Testament en die ander die Nuwe Testament dek. ’n Minikonferensie waar die onderskeie skrywers hul aanvanklike bevindinge aangebied het, is aan die einde van Januarie 2022 gehou. Ons mik om die projek gepubliseer te hê teen 2023.
C.) Voortgaande projekte
Leeskring
Die Subprogram vergader een keer per maand om ’n referaat van een van die kollegas van die Ou of die Nuwe Testament aan te hoor (soms ’n referaat deur een van ons buitengewone benoemdes), om die inhoud daarvan te bespreek en terugvoer te gee. Dit vind normaalweg die laaste Vrydag van die maand om 12:00-13:00 plaas. Ander akademici wat belangstel om deel uit te maak van die bespreking, is welkom om die Subprogramleier te kontak vir meer inligting.